Osmani takon kryeministren e Italisë, diskutojnë për përforcimin e marrëdhënieve dhe rrugëtimin e Kosovës drejt BE-së
14/12/2023
Presidentja e Kosovës, Vjosa Osmani ka zhvilluar një takim me kryeministren e Italisë, Giorgia Meloni me të cilën ka biseduar rreth bashkëpunimit mes dy shteteve.
Osmani përmes një postimi në rrjetin social në Facebook ka shkruar se si shtet llogarisin në lidershipin e Melonis, për avancimin e Kosovës drejt integrimit evropian.
“Në takim me Kryeministren e Italisë, Giorgia Meloni, potencova rolin e rëndësishëm të Italisë në përkrahjen e vendit tonë në të gjitha etapat.
Llogarisim në lidershipin e Kryeministres Meloni në avancimin e rrugës së shtetit tonë drejt integrimit evropian”, ka shkruar Osmani. /Telegrafi/