Një motoçiklistë e ndalon një veturë në Prishtinë dhe gjuan me armë, rasti po hetohet

Një person ka njoftuar se gjera ka qenë duke lëvizur në rrugë me veturë është ndaluar nga një person i panjohur me motoçikletë i cili pas një fjalosje kishte shtënë me armë zjarri.

Sipas raportit 24 orësh të Policisë së Kosovës bëhet e ditur se ngjarja ka ndodhur të hënën rreth orës 23:30, në Prishtinë.

Tutje bëhet e ditur se përpos dëmeve materiale nuk ka të lënduar.

“Ankuesi mashkull kosovar, ka njoftuar se gjersa ka qenë duke lëvizur në rruge me veturë, është ndaluar nga një person i pa njohur me motoçikletë i cili pas një fjalosje, kishte shtënë me armë zjarri. Përpos dëmeve materiale, të lënduar nuk ka”, thuhet në raport.

Ndërkaq, sipas raportit në vend-ngjarje janë gjetur dhe konfiskuar dy gëzhoja. Rasti duke u hetuar. /Telegrafi/