Një grua në Prishtinë raporton se dy vajza me maskë e sulmuan fizikisht, e incizuan dhe e postuan në rrjete sociale
22/05/2025
Policia e Kosovës ka njoftuar për një rast të lëndimit trupor në Prishtinë.
Rasti ka ndodhur të enjten në ora 07:30.
“Ankuesja femër kosovare ka raportuar se dy vajza me maska në fytyrë e kishin sulmuar fizikisht dhe këtë sulm e kishin incizuar dhe më pas i kanë postuar në rrjete sociale”, thuhet në raport.
Lidhur me rastin është identifikuar dhe arrestuar njëra nga të dyshuarat.
E njëjta pas intervistimit me vendim të prokurorit është dërguar në mbajtje. /Telegrafi/