Neymar ka folur pas fitores së Kombëtares së Brazilit ndaj Meksikës në 1/8-tën e Kupës së Botës "Rusia 2018".
Brazili ka kaluar në çerekfinale të Kampionatit Botëror pas fitores 2-0 ndaj Meksikës.
Kjo fitore e brazilianëve ka ardhur pas golave të Neymarit dhe Roberto Firminos, të shënuara në pjesën e dytë të ndeshjes.
Pas ndeshjes është shënuesi i golit të parë, Neymari, i cili ka folur dhe është parë i lumtur për golin e tij, formën dhe fitoren.
"Unë kurrë nuk heq dorë, jam një brazilian. Ishte një gol i bërë nga perceptimi i vullnetit dhe duke u lidhur me lojën dhe duke e shtyrë topin përpara", ka thënë fillimisht Neymar.
"Jam këtu për të fituar. Shpresoj se mund të përmirësohem gjithnjë. E dija se do të kisha nevojë për disa ndeshje për t'u kthyer në ritmin tim normal".
"Ndihem shumë më mirë. Jam i lumtur për të gjithë ekipin dhe përgëzoj gjithë ekipin tim pasi jemi duke u përmirësuar gjithnjë ".
"Ai [Ochoa] është një portier i madh. Të gjithë i dinë cilësitë e Ochoas. Urime atij për një ndeshje të mirë", përfundoi ylli brazilian. /Telegrafi/