Mesfushori shqiptar, Xherdan Shaqiri, ishte arkitekt i golit të fitores së Liverpoolit në dramën kundër Newcastle United.
Derisa rezultati ishte 2-2, Jurgen Klopp e inkuadroi në lojë Shaqirin dhe meqenëse menjëherë pas u lëndua edhe Mohamed Salah, ai duhej të bënte diçka që të ndryshonte rrjedhën e takimit.
Dhe në momentin e gjuajtjes së lirë, drejt topit shkoi Trent Alexander-Arnolld, mirëpo Virgil van Dijk tregoi se është lider i Liverpoolit.
Ai bëri me shenjë që gjuajtjen duhej ta ekzekutonte Shaqiri dhe pati të drejtë. Nga harkimi i mesfushorit nga Kosova përfitoi Divock Origi, i cili kërceu më lartë për të shënuar.
Kjo fitore e mban Liverpoolin në garën për titullin e Ligës Premier dhe gjithçka do të vendoset në xhiron e fundit. /Telegrafi/
https://www.dailymotion.com/video/x77f1uv
https://www.dailymotion.com/video/x77f2wn