Moti në Kanada: Dhjetëra të vdekur ndërsa vala e nxehtësisë thyen rekordet

Dhjetëra njerëz kanë vdekur në Kanada mes një valë të paparë nxehtësie që ka thyer rekordet e temperaturës.

Sipas mediave të huaja, përcjell Telegrafi, policia në zonën e Vancouver u është përgjigjur raportimeve për më shumë se 130 vdekje të papritura që nga e premtja.

Shumica ishin të moshuar ose kishin kushte themelore shëndetësore, me nxehtësinë shpesh një faktor kontribues.

Ndryshe, siç shkruan BBC, Kanadaja theu rekordin e saj të temperaturave për të tretën ditë radhazi të martën - 49.6C (121.3F) në Lytton, British Columbia.

Sipas mediumit në fjalë, veri-perëndimi i SHBA-së ka parë gjithashtu rekorde temperaturash - dhe një numër viktimash.

Ndërkohë ekspertët thonë se ndryshimi i klimës pritet të rrisë frekuencën e ngjarjeve ekstreme të motit, të tilla si valët e nxehtësisë.

Sidoqoftë, lidhja e çdo ngjarjeje të vetme me ngrohjen globale është e komplikuar.

Ndërsa presidenti i SHBA-së, Joe Biden tha se vala e nxehtësisë ishte e lidhur me ndryshimin e klimës në një fjalim të martën ndërsa ai përgatit një plan për të azhurnuar rrjetin e infrastrukturës së vendit. /Telegrafi/