Please enter at least 3 characters.
Shkarkoje aplikacionin e Telegrafit
App StoreGoogle Play

Momenti që shkaktoi polemika – arsyeja pse Rodri nuk u përjashtua me karton të kuq ndaj Kroacisë

2024/06/rodri-1.jpg
Bardh Maxhuni
16/06/2024

Të shtunën Spanja e nisi kampanjën e tyre në Kampionatin Evropian 2024 me një fitore bindëse me rezultat 3-0 ndaj Kroacisë. Që të tre golat u shënuan në pjesën e dytë, teksa autorë të tyre ishin Alvaro Morata, Fabian Ruiz dhe Dani Carvajal.Një ndër momentet që shkaktoi polemika ishte momenti kur Rodri shkaktoi penallti pas një ndërhyrje të palejueshme ndaj Bruno Petkovic.Shumë tifozë pretenduan se ai e meritoi kartonin e kuq, për shkak se ishte lojtari i fundit dhe i mohoi një mundësi të pastër shënimi kroatëve.Por, situata nuk qëndron kështu dhe gjyqtari e ka marrë vendimin e drejtë, bazuar në vendimin e fundit të ligjvënësve të futbollit.

Ndërhyrja e Rodrit gjatë sezoneve të kaluara do të ishte ndëshkuar me karton të kuq.

Sidoqoftë, IFAB, ligjvënësit e futbollit, vitin e kaluar i “relaksuan” rregullat për mohimin e një mundësie të pastër shënimi.Rregullat tani thonë se kur lojtari i mohon kundërshtarit një mundësi të pastër shënimi duke kryer një shkelje në përpjekje për ta fituar topin brenda zonës së penalltisë, duhet të trajtohet si një sjellje josportive dhe të ndëshkohet me karton të verdhë.Për fat të mirë të Spanjës dhe të Rodrit, Petkovic dështoi të shënojë nga pika e bardhë ndërsa goli i shënuar pikërisht në atë aksion u anulua më pas nga VAR-i. /Telegrafi/

kombëtarja e spanjësrodrieuro 2024var-i në euro 2024kombëtarja e kroacisë

Promo

Top 5

Nga Rubrika

Në trend Botë

Më të lexuarat