28/03/2021
Francis Ngannou është bërë kampion bote i peshave të rënda në UFC pasi rrëzoi në mënyrë brutale kundërshtarin e tij Stipe Miocic në ngjarjen kryesore në UFC 260.
Luftëtari kameruanas dhe ai amerikan u takuan në oktagon tre vjet më parë, me Miocic që doli fitimtar me vendim unanim.
Por, Ngannou ka fituar shpejt hakmarrjen ndaj Miocic në meçin e zhvilluar në Las Vegas në mëngjesin e së dielës.
Ngannou ishte i papërmbajtshëm dhe i pamëshirshëm për kundërshtarin e tij Miocic.
Kameruani arriti ta rrëzoj amerikanin pas një nokauti brutal 52 sekonda pas raundit të dytë, duke mos i dhënë asnjë mundësi të qëndroj në këmbë.
Më poshtë mund të shihni video nga nokauti brutal i Ngannou ndaj Miocic. /Telegrafi/