28/04/2019
Një nga momentet më të komentuara nga pjesa e parë mes Manchester Unitedit dhe Chelseat ishte edhe dueli mes Romelu Lukakut dhe Cesar Azpilicuetas.
Gjatë një dueli në fundin e minutës së 33-të, spanjolli u tregua më i shpejtë për të rrëmbyer topin, por kur belgu u afrua mori topin në posedim fal forcës fizike.
Sulmuesi i Djajve të Kuq i dha një të shtyre me trup spanjollit aq të fuqishme sa që ky i fundit përfundoi te rendi i parë i ulëseve të Old Traffordit.
Kapiteni i Bluve teksa ishte duke u munduar të ruaj stabilitetin që mos të rrezohej, pengoi edhe një fotograf, por fatmirësisht asnjëri nuk pësoi lëndime fizike.
Golat në 45 minutat e parë i shënuan Juan Mata (11') dhe Marcos Alonso (43'). /Telegrafi/