LSDM: Për sa tenderë e shet ZNAM-i Maqedoninë?

LSDM i quan zyrtarët e ZNAM-it “bashkëpunëtorë” dhe thotë se ata kanë konfirmuar skandalin që e shpallën nga AKT - një tender prej 1.2 milion eurosh u fitua nga një kompani e këshilltarit të tyre nga komuna e Kisella Vodës.

“Por reagimet ndaj skandalit janë si ato të OBRM-PDUKM-së: Faktet janë aty, këshilltari që merr 1.2 milion euro është i yni, por "ne distancohemi nga përfshirja".

Tomovski thoshte “numri është i imi, babai është i imi, dhëndri dhe nipi janë të mitë, gjithçka është e imja, por unë nuk kam të bëj fare me kompaninë”. Nëse do të kapeshin të gjallë, këta njerëz nga ZNAM-i vështirë se do të thoshin se nuk e njihnin këshilltarin e tyre dhe kreun e listës në Kisella Vodë”, shtojnë LSDM.

Nga LSDM shtojnë se faktet janë të qarta, të konfirmuara me dokumente dhe të shpallura publikisht. Ata pyesin nëse ky është kësti i parë i pagesës për, siç thonë ata, tradhtinë ndaj Maqedonisë./Telegrafi/