01/07/2019
Deputetët e Kuvendit të Kosovës me 62 vota për dhe dy abstenim ka votuar rezolutën për heqjen e monopolit të homologimit.
Të premten e kaluar, përkundër debatit me orë të tëra, deputetët nuk kanë arritur të marrin një vendim në seancën e jashtëzakonshme për këtë çështje.
Kjo ka ndodhur për shkak se nuk u votuan propozimet e iniciuesit të kësaj seance të jashtëzakonshme, deputetit të LDK-së, Lutfi Zharku.
Ai kërkoi që të shfuqizohet udhëzimi administrativ për procedurën për homologim dhe të hyjë në fuqi një udhëzim i ri administrativ. Ndërsa, theksoi se deri në fund të vitit të liberalizohet tregu i homologimit të automjeteve dhe sipas tij, urgjent duhet të merren masa për ndryshime legjislative që të ndërrohen monopolet. /Telegrafi/