Kosnett, liderëve të rajonit: Fati i të zhdukurve nuk duhet të jetë peng i politikës

Ambasadori amerikan Philip Kosnett, në Ditën Kombëtare të Personave të Zhdukur u ka dërguar një porosi të gjithë udhëheqësve politikë në rajon.

Kosnett ka kërkuar që fati i të zhdukurve të mos mbetet peng i politikës.

Ambasadori ka thënë se e vlerësojnë përparimin e fundit që është bërë në këtë drejtim.

“Në këtë Ditë Kombëtare të Personave të Zhdukur, ne vlerësojmë përparimin e fundit në nivelin e punës. Por, pas mbi dy dekadash, familjeve ende u mungon përgjigja për të dashurit e tyre. Për të gjithë udhëheqësit politikë të rajonit: fati i të zhdukurve nuk duhet të jetë peng i politikës”, ka shkruar Kosnett. /Telegrafi/