Heidi Klum ka pozuar e zhveshur në pjesën e sipërme për revistën Ocean Drive duke thënë se ndihet shumë mirë me trupin e saj përkundër se vitet po kalojnë.
Modelja 45-vjeçare ka festuar 25 vjetorin e linjës së saj të veshjeve të brendshme, ndërsa me këtë rast ka folur për zhveshjet e shpeshta të saj.
"Gjithmonë jam ndier shumë mirë dhe e lirë në trupin tim", ka thënë bukuroshja gjermane, e cila me vitet të tëra e ka ekspozuar trupin.
Më tej, ajo ka thënë se zakonisht kur rrezitet, nuk i pëlqen që ta veshë pjesën e sipërme të bikinive.
"Në shumicën e rasteve mbaj bikini që e mbulojnë shumë pak trupin, ndërsa nëse nuk është dikush në afërsi, i mbaj vetëm brekët", ka thënë Heidi.
Klum ka treguar se është rritur në një ambient shumë të lirë dhe të hapur, me prindërit e saj kishte shkuar në plazhe nudo.
"Ishim shumë të lirë dhe të pangarkuar. Nuk kishim shumë para, prandaj shkonim në kampet e plazheve nudo dhe kështu lakuriqësia për mua u bë diçka shumë normale. Më pëlqen të jem lakuriq", ka thënë modelja. /Telegrafi/