“Cingoz Recai” titullohet filmi i ri, në të cilin luajnë Kenan Imirzalioglu dhe Meryem Uzerli.
Dy aktorët e famshëm nga Turqia së bashku me aktorët tjerë dhe stafin realizues janë duke e promovuar filmin e tyre në qytete dhe festivale të ndryshme evropiane dhe botërore.
Dhe nga fotografitë e publikuara nga evenimentet e ndryshme, është vërejtur ndryshim në dukjen e Imirzalioglut.
43-vjeçarin jemi mësuar ta shohim në role të ndryshme me pamje që i përshtatet rolit, ndërsa këtë herë ai ka vendosur ta ndjekë trendin e rritjes së mjekrës.
Arsyeja e vërtetë e rritjes së mjekrës duket të ketë qenë roli në serialin për Sulltan Mehmetin II.
Kenan Imirzalioglu u bë i njohur dhe i pëlqyer edhe te publiku shqiptar me rolet e Mehmet Kosovali (“Aci Hayat”, 2005-2007), Ezel Bayraktar (“Ezel”, 2009-2011) dhe Mahir Kara (Karadayi 2012-2015), në serilet e transmetuara në televizionet tona.
Nga ana tjetër, Meryem Uzerli krijoi famë ndër fansat shqiptarë falë rolit të saj në serialin për sulltan Sulejmanin.
Në serinë e titulluar “Muhtesem Yuzyil”, ajo e portretizonte sulltaneshën Hyrrem. /Telegrafi/
