Atletico Madrid prej kohësh po tenton transferimin e Julian Alvarez nga Manchester City, megjithatë ende pa sukses.
Sulmuesi argjentinas është i gatshëm të largohet nga Manchester City në mënyrë që të shkoj te një skuadër të luaj rregullisht, pasi para Haaland është shumë e vështirë.
Alvarez nuk dëshiron të vazhdojë të ketë një rol dytësor në planet e Pep Guardiolës për shkak të pranisë së Erling Haaland në sulmin e Cityt dhe është në kërkim të një sfide të re.
City nuk ia ka mbyllur dyert largimit të Alvarez dhe tanimë ata i kanë vendosur edhe një çmim prej 80 milionë eurove për skuadrat që duan transferimin e tij.
Megjithatë Atletico Madrid tani ka konkurrencë të fortë nga Anglia për t'i siguruar shërbimet e sulmuesit argjentinas.
TalkSport ka raportuar se dy gjigantët anglezë, Chelsea dhe Arsenal janë duke përgatitur oferta për Julian Alvarez.
Paratë nuk kanë qenë asnjëherë problem për klubet angleze dhe e ardhmja e sulmuesit argjentinas pritet të vendoset pas Lojërave Olimpike ku Alvarez po merr pjesë me Kombëtaren e Argjentinës. /Telegrafi/