Javën e ardhshme, Apple sjell versionin e ri të iOS 8

Publikimi nuk e ka konfirmuar nëse përditësimi i ri i Apple është një version beta ose një lirim publik, por versioni i ri i sistemit operativ mund të mbërrijë të martën ose të mërkurën.

Ndërsa BGR nuk e ka konfirmuar përditësimin, në MacRumors e kanë vërejtur rritjen e numrit të vizitave nga rrjetet e Apple me pajisjet që punonin në iOS 8.1.3.

Çuditërisht, numri i vizitave u rrit në mënyrë të konsiderueshme, duke lënë të kuptohet se iOS 8.1.3 është ekzistent.

Nuk ka asnjë fjalë për karakteristikat që do të vijnë me versionin e ri të iOS, por besohet që kjo do të jetë një përditësim i vogël, i ngjashëm me atë të iOS 8.1.2, dhe do të fokusohet kryesisht në përmirësimet e gabimeve dhe mungesave që kanë qenë në versionin paraprak. (Telegrafi)