31/08/2022
Emri i Ariana Lirey është lakuar shpesh në faqet rozë shqiptare për shkak të lidhjes së saj me Don Xhonin.
Modelja me origjinë ruse dhe autori i shumë hiteve tashmë i kanë ndarë rrugët, megjithatë shkrimet për bukuroshen kanë vazhduar.
Sidoqoftë, ajo ka bërë një postim në InstaStory duke kërkuar që të mos lidhet emri i saj me atë të reperit nga Kosova.
“Për mua, kjo është histori e përfunduar. Ju lutem mos e lidhni emrin tim më me Xhonatanin. Faleminderit të dashur media”, ka shkruar Ariana.
Ndryshe, së fundmi është raportuar se ajo është duke shijuar një lidhje të re, bazuar në imazhet e shpërndara në rrjetet sociale. /Telegrafi/
