Mbrojtësi brazilian, Dalbert Henrique mund të rikthehet në Ligue 1, por kësaj radhe tek skuadra e Monacos.
Dalbert u transferuar verën e kaluar tek Nerazzurrët nga Nice pas një sage që zgjati disa muaj.
Megjithatë, mbrojtësi brazilian dështoi të bind drejtuesit e klubit italian me talentin dhe paraqitjet e tij, duke bërë vetëm 13 paraqitje në Serie A.
Pas ndeshjeve të pakta të Dalbert me fanellën e Interit, shumë skuadra u vënë pas shërbimeve të tij, ku më të interesuarit janë francezët e Monacos.
Sipas mediumit Mediaset Premium, Inter është i gatshëm të huazojë Dalbertin në Monaco për një sezon.
Dy skuadrat janë në bisedime të avancuara dhe kosto e huazimit të thjeshtë një vjeçar mendohet të jetë tre milionë euro.
Ky do të ishte një kthim në Francë për ish-lojtarin e Nicës, i cili i kushtoi Interit 20 milionë euro verën e kaluar. /Telegrafi/