Të paktën shtatë gjeneralë rusë besohet se janë vrarë në Ukrainë - një shkallë e jashtëzakonshme viktimash për çdo ushtri.
Në përditësimin e fundit të inteligjencës, Ministria e Mbrojtjes e Mbretërisë së Bashkuar ia atribuon praninë e kaq shumë komandantëve në terren vështirësive në komandim dhe kontroll, si dhe performancës së dobët të forcave ruse.
"Komandantët rusë rrallë delegojnë autoritetin operacional te vartësit e tyre, të cilët nuk kanë përvojë jetike udhëheqëse", thotë Ministria e Mbrojtjes.
"Kjo ka rezultuar me një forcë të ngadaltë në kalimin e pengesave dhe e paaftë për të ndryshuar qasjen e saj në fushën e betejës", shkruan në njoftimin e ministrisë.
Ndryshe, autoritetet ukrainase raportohet se po përgatiten për kundër ofensivë në lindje të vendit, aty ku tashmë janë pozicionuar forcat ruse. /Telegrafi/