Artisti i njohur shqiptar, Ibro Deli, ka prezantuar së fundmi projektin e ri muzikor.
“Tarabuk” mban titullin kënga e tij, të cilën e ka kompletuar edhe nga ana vizuale.
Projekti njëheresh flet për nje realitet në Kosovë, ku paraqet një grua e cila punon çdo ditë në shtëpi, duke marrë parasysh që burri nuk e lejon të dalë.
Si protagonistë të këngës me të cilën fillon janë edhe aktorët, Armend Baloku dhe Shengyl Ismaili, të cilët vijnë me një paraqitje të mahnitshme artistike.
Miksimin dhe masterizimin e këngës e ka bërë Bridless Music së bashku me Amjad Laroussi, teksa producent ekzekutiv i këngës është Dardani.
Ndërkohë, për producimin janë përkujdesur Hippy Jack dhe Bridless.
Ibro përndryshe shquhet për vokalin e veçantë dhe temat që trajton në secilin projekt muzikor. /Telegrafi/