21/06/2017
Capital T e ka nisur mbarë verën me një super hit.
"Pse po ma lun lojën" është kënga e cila po dëgjohet kudo, dhe pa diskutim ndër më të pëlqyerat e publikut për këtë verë.
Pëlqyeshmëria e këtij projekti mesa duket ka kaluar edhe kufijtë, kjo pasi kënga ka arritur të depërtojë edhe në kontinentin e largët.
Një i ri nga Filadelfia, ka publikuar në llogarinë personale në Facebook një video, ku shfaqet duke kënduar cover këngën "Pse po ma lun lojën".
Çuditërisht edhe pse është i huaj, i riu nga Filadelfia e ka kapur mirë këngën në gjuhën shqipe, dhe i thotë me përpikmëri vargjet e tekstit.
Videoja e shpërndarë gjithandej në rrjetet sociale ka marrë me mijëra pëlqime dhe komente. /Telegrafi/