I nxehti afrikan në vend, kujdes nga temperatura të larta

Kjo javë do të ndikohet nga masa të nxehta ajri afrikane, të shoqëruara me temperatura të larta dhe pa reshje shiu.

Instituti Hidrometeorologjik bën të ditur se të mërkurën do të mbajë mot me diell dhe vranësira të shpërndara.

Temperaturat minimale do të jenë nga 14– 18°C, ndërkaq maksimalet e ditës do të shkojnë nga 32°C deri në 36 gradë.

Era do të fryjë kryesisht nga verilindja, 1–4 m/s. /Telegrafi/