Goditi dy policë me motoçikletë, arrestohet i dyshuari në Vushtrri

Një person është arrestuar pas një incidenti të ndodhur në rrugën “Mbretëresha Teutë” në Vushtrri, ku i dyshuari, një mashkull kosovar, duke drejtuar një motoçikletë, nuk i është ndalur urdhrit të zyrtarëve policorë dhe më pas ka goditur dy prej tyre.

Si pasojë e përplasjes, të dy zyrtarët policorë kanë kërkuar dhe kanë marrë tretman mjekësor.

Me vendim të prokurorit kompetent, i dyshuari është dërguar në mbajtje, ndërsa rasti është duke u trajtuar nga organet e drejtësisë.

Hetimet lidhur me ngjarjen janë duke vazhduar./Telegrafi/