Diego Godin pritet të bëhet lojtari më i paguar te Interi kur ai do të bashkohet nga Atletico Madridi në verë.
Është e njohur tashmë se klubi italian dhe lojtarin kanë rënë dakord me kushtet personale si lojtar i lirë pasi kontrata e tij me Atleticon skadon në qershor.
Sipas mediumit italian Gazzetta dello Sport, reprezentuesi i Uruguait do të nënshkruajë një marrëveshje trevjeçare me Interin.
Marotta: Së shpejti njoftim zyrtar për Godinin, Icardin po e presim, por askush nuk është mbi klubin
Godin thuhet se do të fitojë plot 6.75 milionë euro në sezon.
Kjo do ta bënte atë lojtarin më të paguar në skuadrën e Nerazzurrëve, ndërsa paga e tij do të jetë 35 për qind më shumë se ajo që merr te Atletico.
Besohet se Interi fillimisht donte të ofronte një kontratë dyvjeçare, por 33-vjeçari këmbënguli në kontratë për tre vite.
Mbrojtësi uruguaian ka qenë te klubi spanjoll që nga viti 2010, ndërsa me Los Colchoneros ka arritur të fitojë La Ligan dhe disa herë Ligën e Evropës. /Telegrafi/