Atletico Madrid përballet me një çështje të rëndësishme brenda skuadrës, të ardhmen e mbrojtësit argjentinas Nahuel Molina.
Megjithëse trajneri Diego Simeone dëshiron që lojtari të qëndrojë, mbërritja e Marc Pubill ka krijuar konkurrencë të fortë në të djathtë të mbrojtjes.
Atletico po vepron me shpejtësi në këtë merkato, duke finalizuar marrëveshje pa vonesa, si në hyrje ashtu edhe në dalje.
Disa lojtarë si Samuel Lino dhe Thomas Lemar pritet të largohen, ndërsa situata e Molinës mbetet më e paqartë.
Sipas “La Gazzetta dello Sport”, Juventusi vazhdon të këmbëngulë për transferimin e Molinës, duke kërkuar të përforcojë krahun e djathtë të mbrojtjes.
Për të realizuar këtë lëvizje, klubi italian duhet fillimisht të shesë Timothy Weah te Olympique Marseille.
Shitja e amerikanit do t’i hapte rrugën Juventusit për të bërë një ofertë konkrete për Molinën, që mbetet ende pjesë e planeve të Simeones. /Telegrafi/