E ardhmja e Gianluigi Donnarummas vazhdon të jetë e paqartë, ndërsa ai hyn në vitin e fundit të kontratës me Paris Saint-Germain, që skadon në qershor të vitit 2026.
Sipas raportimeve të Alfredo Pedullas, Galatasaray i ka bërë një ofertë të rëndësishme kontrate portierit italian, duke tentuar ta bindë për një transferim në Turqi.
Megjithëse Donnarumma dhe PSG janë në bisedime për një rinovim, ende ekziston një boshllëk mes palëve. Klubi francez ka identifikuar Lucas Chevalier të Lille si një zëvendësues të mundshëm, çka sinjalizon pasiguri për të ardhmen e Donnarummas.
Burime pranë situatës bëjnë të ditur se Donnarumma e ka vlerësuar ofertën e Galatasarayt, por nuk ka marrë ende një vendim dhe nuk ka pranuar të largohet nga Parisi.
Ndërkohë, Manchester City po e ndjek me vëmendje situatën. Ekipi i Pep Guardiolës është i interesuar dhe dëshiron të qëndrojë i përditësuar për çdo zhvillim të mundshëm.
Edhe pse City ka siguruar rinovimin me James Trafford nga Burnley, ata vazhdojnë të jenë një opsion serioz për Donnarumman, nëse ai vendos të largohet.
Disa klube italiane kishin treguar interes më herët për portierin, por aktualisht nuk janë të përfshira në negociatat për të. /Telegrafi/