Ferran Torres i përgjigjet mesazhit të Hansi Flick me gola dhe formë të jashtëzakonshme fizike

Para nisjes së ndeshjeve parasezonale, trajneri i ri i Barcelonës, Hansi Flick, i dërgoi një mesazh të qartë Ferran Torresit: do të konkurrojë me Robert Lewandowskin për një vend titullari në qendër të sulmit, sipas Mundo Deportivo.

Torres reagoi menjëherë. Në ndeshjen e fundit të fazës përgatitore kundër FC Seoul, ai shënoi dy gola, ndonëse luajti vetëm në pjesën e parë (45 minuta).

Përveç efikasitetit para portës, Ferran shkëlqeu edhe fizikisht. Sipas të dhënave të brendshme të klubit, ai regjistroi performancën më të mirë fizike në skuadër gjatë gjithë fazës përgatitore, duke dëshmuar përkushtimin dhe përgatitjen e tij maksimale për sezonin e ri.

Me Robert Lewandowskin që po i afrohet fundit të karrierës, pritet që Flick të aplikojë më shumë rotacione në repartin ofensiv.

Forma shpërthyese e Ferranit dhe gjendja e tij e jashtëzakonshme fizike e kanë kthyer atë në një pretendent serioz për të udhëhequr sulmin e Barcelonës në sezonin 2025/26. /Telegrafi/