Erion Veliaj shpallet Qytetar Nderi i Gostivarit!
22/03/2023
Komuna e Gostivarit sot ka shpallur qytetarë nderi kryetarin e Bashkisë së Tiranës, Erion Veliajn.
Kryetari i Komunës së Gostivarit, Arben Taravari në profilin e tij në Facebook shkruan se Erion Veliaj e ka merituar të shpallet qytetar nderi i Gostivarit.
"Kam privilegjin që sot të shpall Qytetar Nderi djalin që çdo nënë do donte ta kishte, babain që çdo fëmijë e meriton, politikanin energjik dhe vizionar, mikun e Gostivarit, kryetarin e Bashkisë së Tiranës e prej sot edhe qytetarin e nderit te Gostivarit, Erion Veliaj!", thuhet në njoftimin e kryetarit të Komunsë së Gostivarit, Arben Taravari.