Elon Musk nuk përdor kompjuter?
Elon Musk thuhet se nuk përdor kompjuter. Informacioni i pazakontë doli në dritë gjatë një padie midis miliarderit dhe OpenAI, së bashku me një mori detajesh rreth tradhtive të korporatave dhe miliarda dollarëve në sekrete.
Në një dosje të 22 qershorit, ekipi ligjor i Musk në Toberoff & Associates kundërshtoi akuzat e OpenAI se ata nuk kanë dorëzuar dokumente relevante, dhe ka përcaktuar se punëdhënësi i tyre aktual nuk përdor kompjuter, transmeton Telegrafi.
Kjo është e vështirë për t'u pranuar pa një dozë të konsiderueshme skepticizmi. Vërtet, punonjësit në kompaninë X kanë dëshmuar se Musk punon kryesisht në telefonin e tij inteligjent, por ai është parë edhe duke përdorur një laptop.
Ai vetë ka konfirmuar në postimet në mediat sociale se zotëron një kompjuter, të cilin e përdor për të testuar aftësitë e transmetimit të Starlink gjatë fluturimeve.
Në maj të këtij viti, ai tha se ende përdor laptopin e tij të vjetër me një afishe @DOGE që një fans e kishte bërë shumë kohë më parë.
Pra, pyetja është se sa i suksesshëm do të jetë kjo manovër ligjore, e cila mund të synojë shmangien e dorëzimit të skedarëve kompjuterikë potencialisht të dëmshëm. /Telegrafi/