Sulmuesi anësor i Përfaqësueses së Kosovës, Edon Zhegrova ka dhuruar një paraqitje pozitive në fitoren e ekipit të tij, Baselit ndaj Zurichut.
Baseli ka arritur të fitojë me rezultat të thellë 4-0 në udhëtim te Zurichunë takimin e vlefshëm për javën e 21-të në Superligën e Zvicrës.
Golat në këtë fitore të klubit të madh zviceran i shënuan Fabian Frei (1’, 80’, 84’) dhe Valentin Stocker (45+).
Megjithatë, paraqitje të mirë ka dhuruar edhe ylli i Kosovës, Edon Zhegrova, i cili u inkuadrua në lojë në minutën e 31-të në vend të Kevin Bua.
Ylli i Dardanëve arriti të lë gjurmë duke dhuruar një asistim fantastik tek goli i katërt i shënuar nga Frei.
Deri më tani këtë sezon, Zhegrova ka shënuar dy gola dhe ka dhuruar dy asistime me Baselin. /Telegrafi/
https://www.dailymotion.com/video/x7rn3w3