Dush i ftohtë për Trepçën
07/09/2013
Kapiteni Burim Shala ia siguroi tri pikë ekipit të tij falë golit të shënuar në minutën e 24-t nga penalltia, pasi më parë në zonën e rreptësisë së mysafirëve u ndal Muhabi Bushi, raporton Express.
‘Xehetarët’ e patën rastin më të mirë të ndeshjes në pjesën e parë, kur Florent Sejdiu doli përballë portierit Flamur Neziri, por nuk ia doli ta mposht atë. Për Fushë Kosovën, kjo ishte fitorja e parë e sezonit të ri në elitën e futbollit kosovar. /Telegrafi/