Chelsea ka fituar në udhëtim te Burnley me rezultat 4-2 në ndeshjen e vlefshme për javën e dhjetë në Ligën Premier.
Blutë e Londrës kanë vazhduar formën e mirë duke marr edhe fitoren e katërt radhazi në kampionat.
Pjesa e parë e ndeshje u karakterizua me dominim të mysafirëve, të cilët përveç rasteve të shumta shënuan edhe dy gola.
Ishte ylli amerikan, Christian Pulisic, i cili shënoi fillimisht në minutën e 21-të për 0-1, ndërsa në të 45-tën shënoi për 0-2.
Në pjesën e dytë, Blutë filluan furishëm duke shënuar edhe dy gola të shpejtë, ndërsa edhe vendasit arritën të shënojnë dy gola.
Në minutën e 56-të, Pulisic u përkujdes të kompletoj het-trikun duke shënuar për 0-3, ndërsa Willian (58') thelloi epërsinë në 0-4.
Në fund të ndeshjes, Burnley shënoi me anë të Jay Rodriguez (86') për 1-4, teksa Dwight McNeil (88') vulosi rezultatin përfundimtar 2-4.
Pas kësaj fitore, Chelsea ka 20 pikë në vendin e katërt, ndërsa Burnley renditet në pozitën e 11-të me 12 pikë.
Në takimin e radhës, Blutë udhëtojnë te Watfordi, teksa Burnley udhëton te Sheffield Unitedi. /Telegrafi/
https://twitter.com/appiahsamuelkow/status/1188145731791667201
https://twitter.com/Cfccomps/status/1188150125660647424