Chelsea nuk ka arritur me shumë se një barazim ndaj West Ham Unitedit në Ligën Premier.
Blutë treguan lojë më të mirë duke mbajtur topin më shumë, gjithashtu edhe duke rrezikuar portën kundërshtare.
Goli i parë në takim u shënua nga Cesar Azpilicueta në minutën e 36-të pas asistimit të Alvaro Moratas.
Pjesa e dytë filloi me shansin e Willian në minutën e 47-të, pastaj edhe të Moratas (47’).
Ish-sulmuesi i Realit shënoi në minutën e 59-të, por goli i anulua për pozitë jashtë lojë, ashtu si edhe në minutën e 24. Goli i barazimit nga mysafirët u shënua nga Chicharito në minutën e 73-të.
Në vazhdim Blutë tentuan disa herë të kalojnë në epërsi, por Joe Hart me pritjet e mira nuk lejoi që të tundet rrjeta e tij.
Pas këtij barazimi Chelsea vazhdon në vendin e pestë me 57 pikë, dhjetë më pak se Tottenhami e Liverpooli që janë në zonën e Ligës së Kampionëve.
West Hami renditet në vendin e 14 me 34 pikë, ndërsa në javën tjetër luajnë kundër Stoke Cityt.
Skuadra e Antonio Contes në xhiron tjetër do të luajë kundër Southamptonit. /Telegrafi/
https://www.dailymotion.com/video/x6hi893
https://twitter.com/EPLGOALS_HD/status/983028014924648448