Bes Kallaku uron ditëlindjen e 28-të të Xhensilës: Urime ditëlindjen ‘lokja’ zemrës

Xhensila Myrtezaj sot (e premte) feston ditëlindjen e saj të 28-të.

Në këtë ditë të veçantë ajo pranoi përplot dhurata dhe urime nga më të ndryshmet në rrjete sociale.

Ndërkaq, nuk mungoi as edhe postimi nga bashkëshorti i saj dhe njëherësh aktori, Bes Kallaku.

Ky i fundit shpërndau një fotografi me bukuroshen brune, ndërsa që të dy shiheshin të lumtur krah njëri-tjetrit.

“Në pranverë ku çelin trëndafilat, çel e qeshura ime prej teje. Urime ditëlindjen ‘lokja’ zemrës”, ka shkruar ai në përshkrim.

Çifti përndryshe u martuan në shtator të vitit 2018, ndërsa tani janë prindër të një vajze. /Telegrafi/