Audi rikthen butonat në modelet e saj më të reja
30/11/2025
Audi i mori parasysh kritikat për interierin e saj të ri dhe bëri ndryshime të rëndësishme.
Ndër risitë kryesore janë rikthimi i butonave në timon në vend të sipërfaqeve kapacitive, si dhe përmirësimi i ekranit digjital.
Modelet Audi të bazuara në Premium Platform Electric (PPE) dhe Premium Platform Combustion (PPC) marrin një "përditësim" gjithëpërfshirës të harduerit dhe softuerit me ndryshimin e vitit të modelit.
Ndryshimet kryesore janë butonat dhe përfshijnë këto modele: A5, A6, Q5, A6 e-tron dhe Q6 e-tron.
Zëdhënësi i Audi njoftoi një kthim të plotë te butonat "e vërtetë" në timon.
Gjithashtu, ekrani i infotainment merr një ndërfaqe të re përdoruesi me një strukturë më të qartë. /Telegrafi/