Arthur Melo vazhdon të mbetet një problem për Juventusin, pasi ende nuk ka gjetur skuadër për tu larguar.
Mesfushori brazilian u bashkua me Zonjën e Vjetër dy vite më parë nga Barcelona për shumën e 76 milionë eurove.
Megjithatë braziliani ka dështuar t'i tregojë aftësitë e tij në Itali dhe tani është jashtë planeve të Juventusit.
Juventus po kërkon blerës për lojtarin dhe pas disa negociatave me Valencian, klubi spanjoll u tërheq nga gara për të nënshkruar me Arthur.
Por ka një tjetër shpresë për largimin e brazilianit këtë verë nga Allianz Stadium.
Dy skuadrat evropiane, Porto dhe Olympique Lyon kanë shprehur interesim për huazimin e futbollistit me të drejtë blerje.
Juve është gati për ta lënë të lirë 26-vjeçarin, por tani vet Arthur do të vendos se cilës skuadër do t'i bashkohet. /Telegrafi/