Zyrtarët e SHBA-ve kanë thënë se opsionet e tjera ushtarake për Ukrainën mund të përfshijnë edhe trajnime, dërgim të automjeteve të blinduara, armë të vogla dhe municion.
Deri më tash, Shtetet e Bashkuara kanë ofruar vetëm ndihmë jo vdekjeprurëse për forcat e Ukrainës, të cilat po luftojnë separatistët pro-rusë në lindje të vendit qysh nga prilli i vitit të kaluar.
Zëdhënësja e Departamentit amerikan të Shtetit, Jen Psaki ka thënë se fokusi i Washingtonit mbetet në ndjekjen e një zgjidhjeje diplomatike të krizës.
