Aleanca për Shqiptarët: BDI me premtime të skaduara synon të manipulojë sërish

Aleanca për Shqiptarët në njoftim për mediat rikujton se fjalinë ‘projektet kapitale’, BDI-ja e përdorën vetëm gjatë fushatave zgjedhore dhe se funksionarët e kësaj partia kanë harruar kuptimin e projektit kapital dhe peshës që mban iu njëjti kur premtohet.

Sipas tyre, me vite projektet kapitale të premtuara nga BDI nuk realizohen dhe të njëjtat vetëm përsëriten si premtime në çdo cikël zgjedhor me të njëjtat arsyetime për mos realizim, njofton Telegrafi Maqedoni.

“Penda e Sllupçanit, premtohet si projekt kapital i BDI-së gati një dekadë, ndërsa për të njëjtin që nga viti 2012 në buxhetin shtetëror janë paraparë miliona denarë investime që asnjëherë nuk u investuan. I njëjti projekt kapital është pjesë e platformës së BDI-së edhe në vitin 2016, për të cilin po të njëjtin vit ishin paraparë mjete me vlerë prej 326.264 mijë euro për projektin themelorë, përderisa thuhej se janë kryer hulumtimet gjeologjike, analizat dhe shpimi i tokës në vlerë prej 644.309 mijë euro. Jemi në vitin 2020 ndërsa BDI lavdërohet ende me fazën fillestare për ndërtimin e këtij projekti”, shprehen nga ASH.

Ata shtojnë se ky projekt që ka kaq vite që premtohet sipas të gjitha afateve ligjore, në vitin 2020 veç më duhej të ishte projekt i mbaruar dhe i realizuar. Por, nga e gjithë, thonë nga ASH, praktika e BDI-së lehtë kuptojmë se edhe ky projekt po ruhet si vegël premtuese e radhës dhe projekt kapital i platformës së re të BDI-së.

“‘Copy-paste’ i viteve paraprake, pa qëllime realizuese. Banorët e fshatit Sllupçan, gjysma e të cilëve nuk kanë ujë të pijshëm, e gjysma tjetër e të cilëve shërbehen nga puset private nuk duhet të manipulohen më, dhe t’u japin edhe një mundësi tjetër gënjeshtrave të BDI-së”, thuhet në fund të kumtesës së ASH-së./Telegrafi/