Aksidente të ndara në Pakistan – dy autobusë bien në lugina të ndryshme, të paktën 34 të vdekur

Të paktën 34 persona mbetën të vdekur në dy aksidente të veçanta autobusi në Pakistan më 25 gusht, duke përfshirë 12 pelegrinët që ishin duke u kthyer nga Irani, thanë zyrtarët.

Të paktën 22 kanë vdekur kur autobusi me të cilin po udhëtonin u rrëzua në një luginë pranë qytetit Azad Pattan në kufirin midis provincës Punjab dhe Kashmirit të administruar nga Pakistani.

Në një incident të veçantë, 12 burra vdiqën kur autobusi i tyre u ra në një luginë në autostradën bregdetare Makran në Balochistan, pasi u penguan të kalonin në Iran, shkruan rel.

Trupat e viktimave u transportuan me një aeroplan ushtarak pakistanez të shtunën dhe u varrosën në provincën jugore të Sindh, shkruan ap.

Presidenti pakistanez, Asif Ali Zardari dhe kryeministri, Shehbaz Sharif në deklarata të veçanta shprehën ngushëllimet e tyre për aksidentin.

Aksidentet rrugore janë të zakonshme në Pakistan, ku masat e sigurisë janë të dobëta, trajnimi i shoferëve është i dobët dhe infrastruktura e transportit është shpesh e rrënuar. /Telegrafi/