Aksident i rëndë në rrugën Klinë-Pejë, dy të lënduar
Një aksident i rëndë komunikacioni ka ndodhur në rrugën Klinë-Pejë, në të cilin dy persona kanë pësuar lëndime.
Zëdhënësi i Policisë për Rajonin e Pejës, Fadil Gashi, ka njoftuar se në aksidentin, i cili ka ndodhur të martën e 11 tetorit në rrugën Klinë-Pejë, janë përfshirë një furgon dhe kamion.
Gashi ka bërë të ditur se personat e lënduar janë duke u trajtuar në Spitalin Rajonal të Pejës.
