Ajo nuk ka frikë as nga coronavirusi? Gruaja refuzoi të vendoste maskën, edhe pse policia ia kërkoi disa herë

Një grua e moshuar është kapur duke refuzuar të vendoste një maskë në një autobus në Kinën qendrore, me gjithë faktin se raportohet për një shpërthim të coronavirusit vdekjeprurës.

Madje, një reagim i çuditshëm i gruas vjen pasi qytetarë të shumtë në Kinë, për të “shmangur një kontakt” me virusin, kanë vendosur në kokë edhe shishe plastike.

Sipas mediave të huaja, përcjell Telegrafi, bëhet fjalë për disa pamje që tregojnë se si një grua që ishte e ulur në një autobus nuk kishte të vendosur maskën.

Ajo madje nuk ka shprehur interesim për të bërë një gjë të tillë, edhe pse një oficer policie i drejton gishtin dhe përpiqet ta disiplinojë atë për mos marrjen e masës së sigurisë në qytetin e Pingdingshan në Provincën Henan, Kinë.

Gruaja, e cila ka veshur një kapelë dhe pallto, shfaqet e painteresuar për tu përgjigjur në kërkesën e oficerit, dhe vazhdon të “shikojë punën e saj”.

Disa sekonda më vonë, një oficer, i cili ka veshur një xhaketë, përkulet dhe i ofron asaj një maskë.

Por ajo vazhdon me të veten dhe shmang dhënien e ndonjë kontakti me sy kah oficeri.

Sipas oficerëve, gruaja as nuk pranoi të fuste maskë për fytyrën dhe nuk la autobusin derisa udhëtarët e tjerë filluan të zbrisnin nga automjeti.

Reagimi i saj i çuditshëm vjen pasi sëmundja vdekjeprurëse ka vrarë më shumë se 130 njerëz dhe ka infektuar më shumë se 6,000, që nga mëngjesi i 29 janarit. /Telegrafi/