2013, Samsung shet 40 milionë tabletë

Ky vit është gati në fund, dhe i njëjti ka rezultuar të jetë shumë mbresëlënës për prodhuesin më të famshëm jug-korean Samsung, dhe jo vetëm për shitjen e telefonave të mençur mobil, por edhe për kompjuterët e saj tablet.

Sipas një raporti të ri të publikuar nga mediat koreane thuhet se Samsung ka arritur të shesë mbi 40 milionë tablet gjatë vitit 2013, ndërsa kontributin më të madh e ka dhënë modeli Galaxy Note 10.1 2014 Edition, së bashku me një “bandë” të tabletëve tjerë më të lira, të cilat ishin në dispozicion me zbritje tërheqëse gjatë sezonit të festave.

Disa promocione të Samsung madje ofronin Galaxy Tab 7.0 3 falas.

Tremujori i fundit doli të jetë ndër më të mirë për prodhuesin Korean, pasi që i njëjti ka arritur të shesë pothuajse 12 milionë tabletë në tremujorin e fundit.

Sipas FNN News, Samsung ka shitur 9.1 milionë tabletë në Q1 2013, 8.4 milionë njësi në Q2 dhe 10.5 milionë në Q3, respektivisht.

Parashikimet e Samsung ishin që të arrihej në 40 milionë tablet të shitur, dhe ende nuk është konfirmuar zyrtarisht nëse kjo shifër është arritur, mirëpo ka zëra që thonë se një gjë e tillë tashmë ka ndodhur, dhe Samsung do ta përmbyll vitin me këtë shifër të tabletëve të shitur. / Telegrafi /