Zbulohet koha kur Real Madridi do ta njoftojë nënshkrimin e Mbappes

Mediat spanjolle kanë zbuluar kohën kur Real Madridi pritet të njoftojë zyrtarisht nënshkrimin e sulmuesit francez, Kylian Mbappe.

Sulmuesi francez do t’i bashkohet Real Madridit si transferim i lirë, duke e lënë Paris Saint-Germain pas skadimit të kontratës.

Sipas mediumit Relevo, marrëveshja që sjell Mbappen në Real Madrid është kryer tashmë dhe ka mbetur vetëm zyrtarizimi.

🧐 Todas las preguntas y respuestas de la operación Mbappé y un "ya estoy en paz" definitivo.

🎙️ El delantero compareció en rueda de prensa, un día después de hablar también en Téléfoot, mientras su futuro de blanco se va acercando.

✍️ @Rodra10_97https://t.co/F5XabLyPic

— Relevo (@relevo) March 25, 2024

Mbappe nuk ka nënshkruar kontratën me klubin mbretëror, por burime në Santiago Bernabeu thonë se gjithçka është dakorduar mes palëve.

Ky burim i mediumit shton se francezi pritet të njoftohet si lojtar i ri i Los Blancos para Euro 2024. Nuk është dhënë një datë e saktë e njoftimit, por pritet të ndodhë në fund të sezonit.

Lexo po ashtu Nga dy yje në secilën pozitë - Real Madridi i sezonit të ardhshëm duket i frikshëm me Mbappe, Davies dhe Alexander-Arnold

Megjithatë, pretendohet se njoftimi mund të ndodhë edhe më herët se kaq, para përfundimit të sezonit.

Ndryshe, Mbappe do të jetë lojtari më i paguar në klub, duke kaluar Vinicius Jr dhe Jude Bellingham, të cilët fitojnë nga 12 milionë euro neto në vit. /Telegrafi/