Vetëvendosje të premten mbanë protestë përballë Prokurorisë së shtetit

Lëvizja Vetëvendosje ka mbajtur një konferencë për media ku ka treguar për protestën që do të mbahet të premten.

Albulena Haxhiu nga LVV ka thënë se protesta do të mbahet përball Prokurorisë.

“Lëvizja Vetëvendosje do të nisë me protesta kundër PAN-hajnisë të premten përball Prokurorisë së shtetit. Arsyeja se përse tek Prokuroria është sepse PAN-hajnia nuk do të ishte në këmbë e as në pushtet nëse do të kishte veprim të prokurorisë ndaj skandaleve qeveritare. Vitin e kaluar Kosova pasqyrohej keq në raportet ndërkombëtare, dhe flitej për shtet të kapur. Mbi 60% të rasteve tek profilet e larta Prokuroria i hudh poshtë kallëzimet penale, pra Prokuroria është e pamposhtur ndaj zyrtarëve”, ka thënë Haxhiu.

Haxhiu I ka bërë thirrje kryeprokurorit Aleksandër Lumezi që të jap përgjigje për disa çështje ndaj të cilave Vetëvendosje ka ngritur zërin.

“Ne i kërkojmë publikisht kryeprokurorit të shtetit të tregoj se ku kanë ngecur hetimet e Prokurorisë për vendimin e Qeverise lidhur me rritjen e pagave për vete, përse është e vështirë për Prokurorinë që të ngritë aktakuza për këtë rast që është vepër penale? A ka pasur hetime mbi favorizimet që kryeministri Haradinaj u bënë njerëzve të tij, a ka pasur hetime për 53 milionët e dhuruara Bechtel Enka’s, mbi kontratën e dëmshme të Contour Global ku janë shkelur disa ligje, a ka pasur hetime për keqpërdorimet e raportuara nga Minsitria e Bujqësisë për subvencionet, a ka pasur hetime për abuzimet mbi punësimet në Telekom dhe ndërmarrje tjera, a ka pasur hetime për vjedhjen e qytetarëve nga ZRRE-ja, si dhe çështje tjera. Të mblidhemi e të angazhohemi kundër PAN-hajnisë. Iu bëjmë ftesë të gjithëve që të premten në orën 11:55 të takohemi para zyrës së kryeprokurorit të shtetit”, është shprehur ajo.
Sipas Glauk Konjufcës Prokuroria e shtetit nuk është duke bërë asgjë të asgjë.
Ai ka thënë se sistemi i drejtësisë po i amniston bosët e krimit.

“Këta pushtetarë që mendojnë se janë kalorës të drejtësisë duhet ta ndërprejnë këtë qeverisje dhe tu japin qytetarëve mundësi për zgjedhje të reja. Protesta e të premtes është e arsyeshme kundër prokurorisë së shtetit e cila nuk po bënë asgjë. Mosfunksionimi i tmerrshëm i sistemit të drejtësisë nuk i seleksionon qytetarët në baza partiake, Sistemi I drejtësisë po i amniston bosët e krimit, por qytetarët që përballen me halle e problem, sistemi i drejtësisë i dëmton të gjithë barabartë. Bashkimi i qytetarëve të kërkojnë drejtësi është e drejt kushtetuese”, është shprehur ai./Telegrafi/