Sulmuesi i Fenerbahces dhe përfaqësueses së Kosovës, Vedat Muriqi është ndëshkuar me kartonë të kuq në derbin ndaj rivalit të urryer lokal, Besiktasit.
Besiktas është nikoqir i Fenerbahces në ndeshjen derbi të vlefshme për javën e 33-të në Superligën e Turqisë.
Megjithatë, pjesa e parë e kësaj ndeshje nuk ka sjell asnjë gol, por vetëm tension dhe ndërhyrje të ashpra prej lojtarëve të dy ekipeve.
Por, mysafirët e pësuan më keq pasi u ndëshkuan me një karton të kuq qysh në minutën e 25-të të ndeshjes.
Ishte ylli i Kosovës, Vedat Muriqi, i cili mori të kuqin nga gjyqtari pas një ndërhyrje të ashpër nga mbrapa ndaj mbrojtësit kroat, Domagoj Vida.
https://twitter.com/BesiktasOrdusu/status/1284918253639340032
Kjo është ndeshja e fundit e Muriqit në këtë sezon në Turqi pasi ka mbetur vetëm edhe një ndeshje për t’u zhvilluar.
Sezoni i sulmuesit prizrenas ka qenë pozitivë me ‘Kanarinat e Verdha’, pasi ka shënuar 15 gola dhe ka bërë pesë asistime. /Telegrafi/
