UNICEF në Kosovë vepron në kundërshtim me ligjin (Video)

Organizata ndërkombëtare që vepron edhe në Kosovë qysh nga paslufta, UNICEF, ka vepruar në kundërshtim me ligjin, në rastin kur ka hartuar një rregullore për mbrojtjen e fëmijëve në raportimin e medieve.

Neni pesë i ligjit për nisma legjislative thotë se nismë ligjore mund të marrë vetëm Presidenti, Kuvendi, Qeveria dhe më së paku 10 mijë qytetarë me të drejtë vote.

Por, kjo organizatë nuk ka qenë e gatshme të japë një sqarim rreth kësaj gjatë ditës së martë. Juristët vlerësojnë se kjo rregullore mbi të gjitha është e panevojshme.

Asociacioni i Gazetarëve thotë se Qeveria në vend të kësaj do të duhej të fuqizonte KMSHK-në, e cila ka një rregullore për mbrojtjen e fëmijëve, raporton KTV.

Koalicioni i OJQ-ve për Mbrojtjen e Fëmijëve ka thënë se nuk ka qenë e ftuar të marrë pjesë në hartimin e kësaj rregulloreje, megjithatë thotë se akte të tilla nënligjore duhet të bëhen pas miratimit të ligjit.

Ekzekutivi kosovar ka mohuar të ketë qenë i përfshirë në hartimin e kësaj rregulloreje. Asociacioni i Gazetarëve, megjithatë ka thënë se nuk kanë pasur një sqarim zyrtar nga Qeveria e Kosovës.

Kryetari Shkelqim Hysenaj ka deklaruar se ekzekutivi do të duhet të denonconte përdorimin e logos dhe emrit të kreut të saj, Isa Mustafës nga UNICEF-i në këtë rregullore.

NORA_RREGULLORJA_19-07 from Koha.net on Vimeo.