Ulet vdekshmëria e foshnjave të lindura parakohe në Maqedoni

Vazhdon ulja e përqindjes së vdekshmërisë së foshnjave në Klinikën Universitare për Gjinekologji dhe Obstetrikë. Nëse merret parasysh se në vitin 2016 ishte 25 për qind, në vitin 2017 – 21 për qind, në 2018 – 16 për qind dhe në vitin 2019 – 12 për qind, këtë vit është 11.1 për qind, theksoi drejtoresha e Klinikës, Viktoria Jovanovska dhe shfaqi shpresë se deri në fund të vitit kjo përqindje do të ulet akoma më shumë.

Ajo në fjalimin në tryezën digjitale “Së bashku për foshnjat e lindura parakohe – kujdesemi për të ardhmen”, që u mbajt në organizim të Klinikës dhe organizata civile “Lulka” (Djepi) me rastin e 17 nëntorit, Ditës botërore të foshnjave të lindura parakohe, ajo tha se duke marrë parasysh rrethanat që i solli pandemia dhe të gjithë faktorët e rrezikut, këtë vit në Klinikë ka një numër të konsiderueshëm të zvogëluar të lindjeve të parakohshme, të cilat në vitet e mëparshme ishin nga 600 deri në 700, ndërsa këtë vit janë 490.

Ministri i Shëndetësis, Venko Filipçe theksoi se këtë vit ne jemi ndër vendet e para në botë ku ka ulje më të madhe të vdekshmërisë së foshnjeve. Ai theksoi se kjo nënkuptonte një plan serioz, investim në disa segmente, së pari në pajisje, pastaj në pjesën e organizimit, ekspertizës, investimin në pajisje, janë blerë një numër inkubatorësh, kishte ekspertizë nga jashtë dhe një neonatologe shumë e njohur nga Beogradi për një kohë të gjatë qëndroi në Klinikë.

“U vendosen protokollet evropiane, u krijua një sistem i mirë komunikimi me departamentin e kujdesit intensiv të Klinikës së fëmijëve. Në një sistem të tillë, tani kemi diçka për të cilën duhet të krenohemi dhe ajo është për pothuajse 30 për qind, gjegjësisht 50 për qind e vdekshmërisë së zvogëluar neonatale dhe perinatale”, theksoi Filipçe.

Në të gjithë muajt e kaluar, përmes vendosjes së shtigjeve dhe protokolleve të reja, dhomave të veçantë, një departament për izolimin e klinikës, theksoi ministri, Klinika është e vetmja në vend ku trajtohen pacientët me Kovid-19.

“Në pjesën e shtatzënisë, lindjet kryhen në kushte krejtësisht të izoluara, të ndara nga dhomat e tjera të spitalit, korridoret dhe sallat e operacionit dhe repartit të kujdesit intensiv, ku tani intensiteti është i njëjtë si më parë. Nuk ka krijim të listave të pritjes dhe programi operativ po shkon mirë, gjë që meriton përgëzime për ekipin menaxhues”, tha Filipçe.

Ai theksoi se ky menaxhim i mirë filloi dy vjet e gjysmë, tre vjet më parë, kur ata i kushtuan shumë vëmendje një prej problemeve më të mëdha – vdekshmërisë së të porsalindurve, veçanërisht në pjesën e foshnjave të lindura parakohe.

“Një numër i madh i donacioneve kanë arritur në Klinikë dhe një numër i madh i departamenteve janë një vend i këndshëm për qëndrimin e nënave të reja, duke e bërë atë klinikën kryesore me numrin më të lartë të lindjeve gjatë vitit dhe e vetmja ku zbatohen këto protokolle të përcaktuara qartë për lindje me Kovid-19”, shtoi ministri Filipçe.

Drejtoresha e Klinikës, Jovanovska tha se përmirësimi i kujdesit dhe zvogëlimi i vdekshmërisë së pacientëve të trajtuar në departamentin e kujdesit intensiv neonatal do të thotë një rezultat i shkëlqyeshëm për institucionin dhe gëzim për të gjitha familjet, fëmijët e të cilave janë pacientë tanë.

Theksoi se planifikojnë azhurnim të vazhdueshëm teknologjik të pajisjes së departamentit për kujdes intensiv, persosje të personelit me qëllim të arritjes së efektivitet dhe rezultateve më të mëdha që janë një motiv për sukses të mëtejshëm, punësimin e ekspertëve të jashtëm dhe hapjen më të madhe të departamentit lidhur me qasjen e prindërve te fëmijët e tyre në inkubator.