Turizëm 2017, ritëm pozitiv rritje edhe për Shqipërinë

Shqipëria pritet të ketë një ritëm pozitiv rritjeje të turizmit në vitin 2017, si pjesë e rajonit Jugor/ Mesdhetar. Sipas vlerësimeve të tremujorit të tretë të bëra nga Organizata Botërore e Turizmit, UNWTO parashikohet që ky rajon ku bën pjesë edhe Shqipëria, krahas, Bosnjës, Kroacisë, Maqedonisë, Greqisë, Malit të Zi, etj të ketë ecuri pozitive. Vendi ynë parashikohet të ketë rritje të turizmit vendas në rreth 2.7 për qind dhe më të lartë të prurjeve të të huajve rreth 3.1 për qind.

Ecuria është më e mirë në krahasim me vitin 2016, ku për turizmin vendas shifra ishte parashikuar në rreth 0.9 për qind, ndërsa për prurjet në rreth 2.8 për qind.

Sipas raportit një në tre destinacione në Europë pritet që të ketë rritje dyshifrore të turistëve të huaj, ndërsa Turqia është një nga shtete që ka pasur rënien më të madhe në 32 për qind.

Raporti vëren se ndikim në industrinë e turizmit ka dhënë rritja e numrit të turistëve rusë. Shqipëria renditet ndër destinacionet që ka pasur 1-2 për qind rritje nga ky kontingjent.

Akomodimi, vëren raporti ka pasur një rritje të lehtë në Europë me rreth 0.2 për qind.

Ndikim në ecurinë e industrisë së turizmit prite të ketë edhe Brexit. Turizmi në Britani, në vitin 2017 pritet të bjerë me rreth 2.5 për qind. /Telegrafi/