Tre kandidatë për deputetë nga Alternitva e Mimozës në listën e LVV
Lëvizja Vetëvendosje prezantoi listën prej 110 kandidatëve për deputetë për zgjedhjet e 14 shkurtit.
Në listën me LVV garon edhe Alternativa e Mimoza Kusari-Lilës që kësaj radhe ka tre kandidatë të saj, një më shumë se që kishte në zgjedhjet e 2019.
Përpos Kusari-Lilës, në listën e Vetëvendosjes nga Alternativa janë edhe dy kandidatë të tjerë.
Bëhet fjalë për Ali Tafarshikun, asamblist në Kuvendin Komunal të Gjakovës nga e njëjta parti dhe Angjelina Krasniqi nga strukturat e Alternativës në Pejë.
