Tottenhami e Lazio të bindur nga Vedat Muriqi, në janar do të tentojnë transferimin e tij

Tottenham Hotspur dhe Lazio janë bindur se sulmuesi i Përfaqësueses së Kosovës, Vedat Muriqi, mund të jetë përforcim i madh i tyre gjatë afatit kalimtar të janarit.

Kosova arriti të marr një fitore të madhe të hënën në Prishtinë, pasi mposhti Malin e Zi me rezultat 2-0 në kuadër të eliminatoreve të Euro 2020.

Golat në këtë fitore të Dardanëve u shënuan nga Amir Rrahmani dhe Vedat Muriqi, duke shtuar gjasat për kualifikim.

Lexo po ashtu Vedat Muriqi: Kam mundur të shënoj më shumë gola, por jam shumë i lumtur me fitoren

Dhe, sipas mediave angleze dhe italiane, sulmuesi prizrenas ishte nën llupën e Tottenhamit dhe Lazios, të cilët kishin dërguar skautë për ta ndjekur nga afër.

Këto media shtojnë se skautët e të dy klubeve kanë mbetur të kënaqur me atë çfarë tregoi Muriqi në fushë.

Në afatin kalimtar të janarit thuhet se Spurs dhe Lazio do të dërgojnë oferta zyrtare në drejtim të Fenerbahces për Muriqin.

Lexo po ashtu Presidenti i Fenerbahces, Ali Koç: Vedat Muriqi nuk largohet nën 30 milionë, vlera e tij vazhdon të rritet

Ndryshe, 25-vjeçari u bashkua këtë verë me Fenerbahcen nga Rizespori për një shifër të raportuar prej katër milionë eurosh dhe ka kontratë deri në vitin 2023.

Këtë edicion ka shënuar tre gola në shtatë paraqitje, ndërsa klubi turk thuhet se nuk do të pranojë oferta nën 25 milionë euro. /Telegrafi/